မုန့်ကြာစေ့ လုပ်နည်းလေး

မုန့်ကြာစေ့ လုပ်နည်းလေးကိုပြောပါမယ်

ကောက်ညှင်းမှုန့် ထမင်းပေါင်းအိုး ဆန်ချင်ဗူး ၃ဗူး

ဆန်မှုန့် ထမင်းပေါင်းအိုး ဆန်ချင်ဗူး တ၀က်

ရေ ထမင်းပေါင်းအိုး ဆန်ချင်ဗူး ၁ဗူးခွဲ

ထန်းလျှက် 150g

အုန်းသီးခြစ်ပြီးသားအမှုန့် အနည်းငယ်

မုန့်နှစ်နယ်ပြီး မုန့်သားလုံးရန်

ဇလုံကျယ်ကျယ် တလုံးထဲမှာ ကောက်ညှင်းမှုန့်နှင့်ဆန်မှုန့်တို့ကိုထဲ့ပြီး ရေကိုနည်းနည်းချင်းထည့်ပြီး မုန့်သား အိလာအောင် နယ်ပေးပါ

ကောက်ညှင်းဆန်နှင့်ဆန်မှုန့်တို့အပေါ်မူတည်ပြီး မုန့်သားအပျော့အမာ ကွဲတတ်တာမို့ ရေကိုနည်းနည်းချင်း ထည့်နယ်ပေးပါ

မုန့်သားနယ်ပြီးပါက အ၀တ်ရေစို သန့်သန့်ကိုရေညှစ်ပြီး မုန့်သားအပေါ်မှာအုပ်ပြီး နာရီဝက်လောက် နှပ်ထားပေးပါ

နာရီဝက်လောက်ပြည့်ပါက မုန့်သားကို နည်းနည်းချင်းယူပြီး ခပ်သေးသေးလေးတွေ လုံးပေးပါ

မုန့်သားပြုပ်ပြီး ဆယ်ထည့်ရန် ရေအေးသန့်သန့် ဇလုံတလုံးကို အဆင်သင့် ပြင်ထားပေးပါ

အားလုံးပြီးတာနဲ့ အိုးတလုံးထဲ ရေများများထဲ့ကာ ပွက်ပွက်ဆူအောင် တည်ပေးပါ

ရေပွက်ပွက်ဆူတာနဲ့ လုံးထားသော မုန့်လုံးများကို တလုံးချင်း ရေနွေးအိုးထဲကို ထဲ့ပေးပါ

မုန့်လုံးလေးတွေ ထည့်နေတုံး မုန့်သားကျက်ပြီး ရေပေါ်ပေါ်လာသော မုန့်လုံးများကို ဆယ်ပေးပါ

ဆယ်ပြီးတာနဲ့အဆင်သင့်ပြင်ထားသော ရေအေးဇလုံထဲကို ထည့်ပေးပါ

အားလုံးပြီးတာနဲ့ရေအေးစိမ်ထားသော မုန့်လုံးလေးများကို ရေထဲကဆယ်ပြီး ရေစစ်ပေးပါ

ထန်းလျှက်ရည်ကျိုရန်

ထန်းလျှက်ရည်ကို ရေ ထမင်းပေါင်းအိုး ဆန်ချင်ဗူးနှစ်ဗူးသာသာလောက်နဲ့ကျိုပေးပါ

ရေမပျစ်မကျဲ အနေအထားလောက် ရအောင်ကျိုပြီးထားပါ

မုန့်ပွဲပြင်ရန်

ရေစစ်ထားသော မုန့်ကြာစေ့ အလုံးလေးများကို ပန်းကန်တလုံးထည့်ပြီး ထန်းလျှက်ရည်လောင်းချပြီး စိမ်ထားပေးပါ

တပွဲစာအတွက် ပန်းကန်ထဲကို မုန့်ကြာစေ့နှင့်ထန်းလျှက်ရည်တို့ကို အနေတော်ထည့်ပြီး အုန်းသီးခြစ်ပြီးသား အနေတော်ဖြူးပြီး စားသုံးနိုင်ပါပြီ

မာမာလက်ရာ