ဂဏန်းဟင်းစပ်
ဂဏန်းဟင်းစပ်
ဂဏန်းဟင်းစပ်လေးက ကိုရီးယားစတိုင် ဟင်းရံတမျိုးပါပဲ။ ဒီဟင်းမှာ ပါဝင်တဲ့ ငရုတ်သီးမှုန့်၊ သကြား၊ ပဲငံပြာရည် တို့ကြောင့် တမူထူးခြားတဲ့ အရသာကို တွေ့ရမှာပါ။ ချက်နေကျ ဂဏန်းဟင်း အရသာတွေနဲ့ မတူတဲ့ စပ်ချိုရှိန်းရှိန်း အရသာလေးကြောင့် ကြိုက်နှစ်သက်မှာ သေချာပါတယ်။ လုပ်ရတာမခက်ပဲ၊ အချိန်တိုအတွင်းမှာပဲ လုပ်စားနိုင်တာမို့ ချက်နည်း ကြည့်လိုက်ရအောင်…
ပါဝင်ပစ္စည်းများ
- ဂဏန်း [crab] ♦ ၄ကောင်
- ငရုတ်သီးမှုန့်(အနီ) [red pepper flakes] ♦ စားပွဲတင်ဇွန်း ၂ဇွန်း
- ကြက်သွန်ဖြူ [garlic] ♦ ၃မွှာ (နှုတ်နှုတ်စဉ်းပါ)
- ကြက်သွန်နီ [onion] ♦ ၁ဥ (နှုတ်နှုတ်စဉ်းပါ)
- ဂျင်း [ginger] ♦ လက်ဖက်ရည်ဇွန်း ၁ဇွန်း (ထောင်းပြီသား ဂျင်းရည်)
- ကြက်သွန်မြိတ် [spring onion] ♦ ၃ပင် (ပါးပါးလှီးပါ)
- သကြား [sugar] ♦ စားပွဲတင်ဇွန်း ၁ဇွန်း
- ပဲငံပြာရည် (အနောက်) [soy sauce] ♦ စားပွဲတင်ဇွန်း ၂ဇွန်း
- ငရုတ်ကောင်းမှုန့် [black pepper] ♦ လက်ဖက်ရည်ဇွန်း တ၀က်
- နှမ်းဆီ [seasame oil] ♦ လက်ဖက်ရည်ဇွန်း ၃ပုံ၁ပုံ
- နံနံပင် [coriander] ♦ လက်တဆုပ်စာ (ပါးပါးလှီးပါ)
ချက်ပြုတ်နည်း
၁။ အရင်ဆုံး ဂဏန်းကို အခွံ၊ များကို ဖယ်ရှား သန့်စင် ဆေးကြောလိုက်ပါ။
၂။ ပြီမှ ဂဏန်းလက်မတွေကို ဖယ်ပြီ ဂဏန်းကို ဓားဖြင့် ထက်ခြမ်းပေးပါ။
၃။ ထို့နောက် ဂဏန်းအတွက် ပါဝင်ပစ္စည်းဖြစ်သော (ငရုတ်သီးမှုန့်၊ ကြက်သွန်ဖြူ၊ ကြွက်သွန်နီ၊ ကြက်သွန်မြိတ်၊ ဂျင်း၊ သကြား၊ ပဲငံပြာရည်) တို့ကို ဇလုံတစ်ခုထဲသို့ ထည့်ထားလိုက်ပါ။
၎။ ပြီနောက် ထိုဇလုံထဲသို့ ဂဏန်းများကို ထည့်ပြီ ပါဝင်ပစ္စည်းများဖြင့် သမအောင် ရောနယ်ပေးပြီ ရေခဲသေတ္တာထဲတွင် နာရီဝက်ခန့် နုပ်ထားပေးပါ။
၅။ ဂဏန်းဟင်းကို စတင်ချက်ပါတော့မည်။ ဂဏန်းချက်ရန် ဒယ်ထဲသို့ ဆီ(စားပွဲတင်ဇွန်း ၂ဇွန်း) ခန့်ထည့်ပြီ နုပ်ထားသော ဂဏန်းများကို ဒယ်ထဲသို့ လောင်းထည့်လိုက်ပါ။
၆။ မီးအသင့်တင့်ဖြင့် ၂မိနစ်ခန့် ရောမွှေပေးပါ။ ပြီမှ ရေ(ဆန်ချိန်ခွက် ၁ခွက်) ခန့်ထည့်ပြီ အဖုံးအုပ်ထားလိုက်ပါ။
ရ။ ဂဏန်းဟင်း ဆီပြန်လာလျှင် နှမ်းဆီ၊ ငရုတ်ကောင်းမှုန့်၊ နံနံပင်တို့ အုပ်ပြီ မီးပြန်ပိတ်ထားလိုက်ပါ။
၈။ အရသာရှိသော ကိုရီးယားစတိုင် ဂဏန်းဟင်းစပ်လေးကို အသင့်သုံးဆောင်နိုင်ပါပြီ…
———————————